VinFast VF3 Micro Electric SUV | काही दिवसांपूर्वी विनफास्टने तामिळनाडू सरकारसोबत सामंजस्य करार केला होता आणि आता त्यासंदर्भात नवीन माहिती समोर आली आहे. मीडिया रिपोर्ट्सनुसार, विनफास्टने VF3 मायक्रो इलेक्ट्रिक SUV साठी भारतात पेटंट दाखल केले आहे. पेटंट ऍप्लिकेशनचा अर्थ थेट मार्केट लाँच असा नसला तरी विनफास्ट भारतीय बाजारपेठेकडे वाटचाल करत असल्याचे निश्चितपणे सूचित करते.
या मायक्रो इलेक्ट्रिक एसयूव्हीने काही आठवड्यांपूर्वी लास वेगासमधील कंझ्युमर इलेक्ट्रॉनिक्स शो 2024 मध्ये जागतिक पदार्पण केले. विनफास्ट VF3 इलेक्ट्रिक SUV ही अतिशय कॉम्पॅक्ट-बॅटरीवर चालणारी SUV आहे. ही 3,190 मिमी लांब, 1,679 मिमी रुंद आणि 1,620 मिमी उंच आहे. ही MG कॉमेट EV (2,974mm लांब, 1,505mm रुंद आणि 1,640mm उंच) पेक्षा किंचित लांब आणि रुंद आहे परंतु Tata Tiago EV (3,769mm लांब, 1,677mm रुंद आणि 1,636mm उंच) इतकी मोठी नाही.
या गाडीचा आकार लहान असूनही, VF3 उंच आणि बॉक्सी दिसत आहे ज्यामध्ये समोर-मागील बंपर आणि ब्लॅक व्हील आर्च आहेत. आयताकृती हेडलाइट्स मध्यभागी कंपनीचा लोगो असलेल्या ब्लॅक-आउट रेडिएटर ग्रिलमध्ये ठेवलेल्या आहेत. या गाडीमध्ये 16-इंच चकचकीत काळ्या अॅलॉय व्हील्स आहेत. सध्या, विनफास्टने इलेक्ट्रिक पॉवरट्रेनबद्दल माहिती दिलेली नाही.
हेही वाचा – महिंद्रा थारचे Earth एडिशन लाँच..! किंमत ₹15.40 लाखांपासून सुरू
एका पूर्ण चार्जवर VF3 200 किमी पेक्षा जास्त रेंज देऊ शकेल अशी अपेक्षा आहे. विनफास्टVF3 दोन ट्रिममध्ये ऑफर केली जाऊ शकते. सिंगल-मोटर कॉन्फिगरेशनसह इको आणि प्लस. यात 10-इंचाची टचस्क्रीन इन्फोटेनमेंट सिस्टीम, अँड्रॉइड ऑटो आणि ऍपल कारप्ले कनेक्टिव्हिटी, ऑटोमॅटिक क्लायमेट कंट्रोल, टू-स्पोक स्टीयरिंग व्हील आणि क्रूझ कंट्रोल यांसारखे फीचर्स असण्याची अपेक्षा आहे.
काही दिवसांपूर्वी विनफास्टने तामिळनाडूमध्ये आपल्या पहिल्या इलेक्ट्रिक कार कारखान्याची पायाभरणी केली आहे. या प्रकल्पामुळे सुमारे 3,500 नोकऱ्या निर्माण होण्याची अपेक्षा आहे. हा कारखाना सुमारे 400 एकरात पसरणार आहे. असा अंदाज आहे की येथे दरवर्षी 150,000 इलेक्ट्रिक गाड्या तयार केल्या जाऊ शकतात.