New 2024 Bajaj Pulsar NS125 | नवीन 2024 पल्सर NS160 आणि NS200 लाँच केल्यानंतर, बजाजने आता अपडेटेड पल्सर NS125 देखील भारतात लाँच केली आहे. नवीन 2024 बजाज पल्सर NS125 ची किंमत 1,04,922 रुपये (एक्स-शोरूम) आहे. या किमतीमुळे आता जुन्या मॉडेलच्या तुलनेत 5,000 रुपयांनी महाग झाली आहे. बाजारात तिची थेट स्पर्धा Hero Xtreme 125R आणि TVS Raider 125 शी आहे.
2024 बजाज पल्सर NS125 ला देखील मोठ्या पल्सर (NS160 आणि NS200) प्रमाणेच अपडेट मिळतात. त्याची मस्क्युलर रचना पूर्वीसारखीच ठेवण्यात आली आहे. बाईकच्या फ्रंट डिझाईन, इंधन टाकी आणि साइड पॅनलमध्ये कोणताही बदल करण्यात आलेला नाही. मात्र, त्याच्या हेडलाइट्समध्ये काही अंतर्गत बदल करण्यात आले आहेत. यात थंडर-आकाराचे एलईडी डीआरएल देण्यात आले आहेत.
बाईकमध्ये आता स्मार्टफोन कनेक्टिव्हिटीसह पूर्णपणे डिजिटल इन्स्ट्रुमेंट कन्सोल आहे, ज्याद्वारे रायडर एसएमएस आणि कॉल नोटिफिकेशन्स, फोनची बॅटरी लेव्हल यासारखी माहिती पाहू शकतो. याशिवाय, बाईकमध्ये यूएसबी पोर्ट आणि अँटी-लॉक ब्रेकिंग सिस्टम (एबीएस) देखील देण्यात आले आहे. यूएसबी पोर्टद्वारे तुम्ही तुमचा फोन किंवा इअरफोन्स इत्यादी चार्ज करू शकता आणि अँटी-लॉक ब्रेकिंग सिस्टीमद्वारे सुरक्षिततेची काळजी घेण्यात आली आहे.
हेही वाचा – Apple चा सेल्फ-ड्रायव्हिंग कार प्रोजेक्ट बंद!
बाईकमध्ये सिंगल-चॅनल एबीएस सिस्टमसह फ्रंट डिस्क आणि मागील ड्रम ब्रेक आहेत. यात 17 इंची अलॉय व्हील्स आहेत. 2024 पल्सर NS125 मध्ये पूर्वीसारखेच 125cc सिंगल-सिलेंडर इंजिन आहे (मागील मॉडेलप्रमाणे). त्याचे इंजिन 5-स्पीड गिअरबॉक्सशी जोडलेले आहे. हे इंजिन 11.8bhp पॉवर आणि 11Nm टॉर्क जनरेट करते. सस्पेंशनसाठी, बाईकच्या पुढच्या बाजूला टेलिस्कोपिक फ्रंट फोर्क्स आणि मागच्या बाजूला मोनोशॉक आहेत.