Honda-Nissan Merger : सध्या संपूर्ण जगात फक्त दोनच क्षेत्रात मोठे बदल पाहायला मिळत आहेत. एक म्हणजे तंत्रज्ञान, जिथे AI वर विकास चालू आहे. दुसरा ऑटोमोबाईल आहे, जेथे फ्युल ट्रांझिशनवर काम चालू आहे. हे लक्षात घेऊन लवकरच होंडा मोटर आणि निस्सान मोटर या दोन जपानी कार कंपन्यांची वाहनेही एकाच कंपनीअंतर्गत तयार केली जाणार आहेत. यासाठी दोन्ही कंपन्यांनी जबरदस्त योजना आखली आहे.
निस्सान मोटर आणि होंडा मोटर आता विलीनीकरणाबाबत एकमेकांशी चर्चा करत आहेत. एका बातमीनुसार, दोन्ही कंपन्यांनी जागतिक स्तरावर ऑटोमोटिव्ह उद्योगात होत असलेले बदल लक्षात घेऊन एकमेकांमध्ये विलीन होण्याची योजना आखली आहे. त्याचा परिणाम निस्सान मोटर आणि रेनॉल्टच्या शेअर्सवरही दिसून आला आहे.
बातमीनुसार, होंडा आणि निस्सान दोन्ही एकाच होल्डिंग कंपनीच्या अंतर्गत काम करू शकतात. यानंतर, या होल्डिंग कंपनीच्या अंतर्गत दोन्ही कारचे उत्पादन केले जाईल. त्यात मित्सुबिशी मोटर्सचाही समावेश करण्याची योजना आहे. ही कंपनी लोकप्रिय पजेरो कार बनवते. निस्सान-होंडा-मित्सुबिशीच्या विलीनीकरणानंतर ती जगातील सर्वात मोठ्या कार कंपन्यांपैकी एक होईल. या विलीनीकरणातील जास्तीत जास्त हिस्सा निस्सान मोटरचा सुमारे 24% असू शकतो. निस्सानने यापूर्वी फ्रान्सची रेनॉल्ट कंपनीही स्वतःमध्ये विलीन केली आहे.
विलीनीकरणानंतर, नवीन कंपनी दरवर्षी 80 लाख कारची जागतिक विक्री करेल. मात्र, तरीही ती जपानची कार कंपनी टोयोटा मोटर आणि जर्मनीची फोक्सवॅगन यांच्यापेक्षा मागे राहील. 2023 मध्ये टोयोटाने 1.12 कोटी कार आणि फोक्सवॅगनने 92 लाख कार जगभरात विकल्या.
होंडा आणि निस्सान या दोन्ही भारतात कार्यरत आहेत, तर मित्सुबिशीने येथून आपला व्यवसाय बंद केला आहे. निस्सानची रेनॉल्टही भारतात आपली वाहने विकते. अशा स्थितीत या विलीनीकरणाचा भारतात काय परिणाम होईल, याबाबत काहीही स्पष्ट नाही.
मात्र, भारतात टोयोटा आणि मारुती सुझुकी इंडिया यांच्यात एक अनोखा करारही आहे. या कंपन्या त्यांचे अनेक मॉडेल आपापसात शेअर करतात. यापैकी, Glanza, Urban Cruiser सारख्या कार मारुती सुझुकीच्या कारखान्यात तयार केल्या जातात, जे त्याच्या Baleno आणि Brezza सारख्या कारचे रिबॅज केलेले व्हर्जन आहे.