Electric Vehicle Charger In Marathi : देशात ग्रीन मोबिलिटीला चालना देण्यासाठी आणि इलेक्ट्रिक वाहनांच्या वापरावर अधिक लक्ष केंद्रित केले जात आहे. या संदर्भात, टायर उत्पादक कंपनी ब्रिजस्टोनने एक घोषणा केली आहे. टायर उत्पादक कंपनी ब्रिजस्टोनने टाटा समूहाची कंपनी टाटा पॉवरशी हातमिळवणी केली आहे. कंपनीने टाटा पॉवरसोबत करार केला आहे. टाटा पॉवरसोबत करार करून, ही कंपनी देशभरातील तिच्या डीलर्सवर इलेक्ट्रिक वाहनांसाठी चार्जिंग पॉइंट्स बसवण्याचे काम करेल. यामुळे ज्या लोकांकडे इलेक्ट्रिक वाहन आहे किंवा ते खरेदी करण्याचा विचार करत आहेत त्यांना या सुविधेचा खूप फायदा होणार आहे.
ब्रिजस्टोनचा टाटा पॉवरसोबत करार (Electric Vehicle Charger)
टायर उत्पादक ब्रिजस्टोन इंडिया कंपनीने मंगळवारी एक निवेदन जारी करून ही माहिती दिली. कंपनीने सांगितले, की या भागीदारी अंतर्गत, टाटा पॉवर ब्रिजस्टोन डीलरशिपमध्ये 25/30 किलोवॅट तास क्षमतेचे डीसी फास्ट चार्जर स्थापित करेल.
1 तासात पूर्ण चार्ज होईल कार (Bridgestone EV Chargers India)
या चार्जरमध्ये केवळ एका तासात चारचाकी पूर्णपणे चार्ज करण्याची क्षमता असल्याचे निवेदनात म्हटले आहे. अशा प्रकारे एका दिवसात 20-24 वाहने चार्ज करता येतील. डीलरशिपवर बसवलेले चार्जर इलेक्ट्रिक वाहनांसाठी 24 तास उपलब्ध असतील.
हेही वाचा – आता जुनं विसरायचं! रॉयल एन्फिल्डकडून धमाका, मार्केटमध्ये आणले क्रुझर बाईकचे नवे व्हेरिएंट!
इतर ग्राहकही याचा लाभ घेऊ शकतील (EV Charging In India)
येथे, ब्रिजस्टोन ग्राहकांव्यतिरिक्त, सर्व इलेक्ट्रिक वाहन मालक त्याच्या सेवांचा लाभ घेऊ शकतील. ब्रिजस्टोन इंडियाचे मुख्य वाणिज्य अधिकारी राजर्षी मोईत्रा म्हणाले की, टाटा पॉवरसोबतचा हा संयुक्त उपक्रम प्रवासी उपाय प्रदान करण्याच्या आमच्या वचनबद्धतेनुसार आहे. टाटा पॉवरचे बिझनेस डेव्हलपमेंट (ईव्ही चार्जिंग) वीरेंद्र गोयल यांनी सांगितले की, चार्जिंग पॉइंट स्थापित करण्याव्यतिरिक्त त्यांची कंपनी त्याची देखभाल आणि ई-पेमेंट सेवा देखील प्रदान करेल.