5-Door Mahindra Thar | महिंद्रा थार ही एक अतिशय लोकप्रिय SUV आहे. परंतु, ती 3-डोअर असल्याने, काही लोक या गाडीच्या व्यावहारिकतेवर प्रश्न उपस्थित करतात, जे बऱ्याच अंशी खरे आहे. सध्याची महिंद्रा थार काही बाबतीत व्यावहारिक नाही. मात्र, असे असूनही ती स्टाईल स्टेटमेंट राहिली आहे. आता महिंद्रा त्यात अधिक सुधारणा करत आहे.
महिंद्रा आपल्या थारच्या 5-डोअर व्हेरिएंटची चाचणी करत आहे. 5 दरवाजा असलेली थार यावर्षी लाँच होईल अशी अपेक्षा आहे. मात्र, याच्या लाँच तारखेबाबत कंपनीकडून कोणतीही ठोस माहिती देण्यात आलेली नाही. ही गाडी चाचणी दरम्यान रस्त्यावर अनेक वेळा पाहिली गेली आहे, ज्यामुळे त्यात उपलब्ध असलेल्या काही संभाव्य फीचर्सची कल्पना आली आहे.
तुम्हाला ही 10 फीचर्स मिळू शकतात
- सनरूफ
- रिअर डिस्क ब्रेक
- ड्युअल-झोन क्लायमेट कंट्रोल
- मोठी इन्फोटेनमेंट स्क्रीन (सध्याच्या मॉडेलच्या तुलनेत)
- रिव्हर्स कॅमेरा असलेले फ्रंट पार्किंग सेन्सर
- सहा एअरबॅग्ज
- संपूर्ण डिजिटल इन्स्ट्रुमेंट क्लस्टर
- इलेक्ट्रिक फ्युल लिड ओपनर
- रिअर सेंटर आर्मरेस्ट
- 360 डिग्री कॅमेरा
त्याच्या इंजिनच्या फीचर्सबद्दल कोणतीही माहिती समोर आलेली नाही. पण, त्यात स्कॉर्पिओ-एनचे 2.0 लीटर टर्बो पेट्रोल आणि 2.2 लीटर टर्बो डिझेल इंजिन पर्याय दिले जाण्याची शक्यता आहे. 4X2 आणि 4X4 अशा दोन्ही ड्राईव्हट्रेन मिळणे अपेक्षित आहे.
हेही वाचा – ह्युंदाईची नवीन i20 फेसलिफ्ट लाँच..! काय आहे खास? जाणून घ्या
Scorpio-N चे पेंटा-लिंक सस्पेंशन उत्तम स्थिरता आणि कार्यक्षमतेसाठी यात दिले जाण्याची अपेक्षा आहे. महिंद्रा 5-डोअरची स्पर्धा मारुती सुझुकी जिम्नी 5-डोअरशी होईल, जी कंपनीने गेल्या वर्षी भारतीय बाजारात लाँच केली होती.