तुमचे ट्रॅफिक चालान ‘माफ’ होऊ शकतं, सरकारने जाहीर केली तारीख! ‘असा’ करा अर्ज…

Traffic Challan Waiver Lok Adalat December 2025 : देशभरातील लाखो वाहनधारकांसाठी या वर्षाच्या अखेरीस मोठी दिलासादायक बातमी समोर आली आहे. ट्रॅफिक नियमांचे किरकोळ उल्लंघन झाल्याने तुमच्यावर चालान (Traffic Challan) कापले गेले असेल आणि ते अजूनही प्रलंबित असेल, तर ते कमी शुल्कात किंवा पूर्णतः माफ करून घेण्याची संधी पुन्हा एकदा उपलब्ध होत आहे.

13 डिसेंबर 2025 रोजी देशभरात National Lok Adalat आयोजित केली जाणार आहे, ज्यामध्ये ट्रॅफिकसह अनेक नागरी प्रकरणांचे जलद तोडगा काढण्यात येणार आहे.

काय आहे लोक अदालत?

लोक अदालत ही न्यायव्यवस्थेवरील ताण कमी करण्यासाठी राष्ट्रीय स्तरावर चालवली जाणारी विशेष मोहीम आहे.
या माध्यमातून:

कमी वेळात
कमी खर्चात
कोणत्याही गुंतागुंतीच्या कायदेशीर प्रक्रिये शिवाय

लांब प्रलंबित प्रकरणांचा न्यायनिवाडा केला जातो. अनेक वेळा यात दंडाची रक्कम मोठ्या प्रमाणात कमी होते किंवा काही प्रकरणांत पूर्णपणे माफही केली जाते.

कोणत्या राज्यांमध्ये लागू होणार?

या राष्ट्रीय लोक अदालतमध्ये प्रमुखतः खालील राज्यांचा समावेश आहे:

दिल्ली
महाराष्ट्र
पंजाब
हरियाणा
उत्तर प्रदेश
गुजरात
राजस्थान
कर्नाटका
तेलंगणा
तामिळनाडू
पश्चिम बंगाल

कोणते ट्रॅफिक चालान माफ होऊ शकतात?

लोक अदालतमध्ये कंपाउंडेबल (माफ किंवा कमी होऊ शकणारे) ट्रॅफिक उल्लंघनांचा समावेश होतो:

हेल्मेट न घालणे
सीटबेल्ट न लावणे
ट्रॅफिक सिग्नल तोडणे
चुकीची पार्किंग
PUC नसणे
वाहनाचा इन्शुरन्स कालबाह्य असणे

या प्रकरणांमध्ये अनेकदा केवळ कमी रक्कमेचा दंड आकारला जातो किंवा काहीवेळा पूर्णतः चालान माफही केले जाते.

कोणत्या प्रकरणांना माफी मिळणार नाही?

गंभीर गैरप्रकार लोक अदालतमध्ये माफ होत नाहीत. जसे:

मद्यपान करून वाहन चालवणे
हिट-अँड-रन प्रकरण
जीवितहानी किंवा गंभीर जखमीस कारणीभूत अपघात
नॉन-कंपाउंडेबल अपराध

लोक अदालतमध्ये जाण्यापूर्वी काय करावे?

13 डिसेंबरच्या सुनावणीसाठी खालील प्रक्रिया पाळणे आवश्यक आहे:

टोकन/अपॉइंटमेंट ऑनलाइन घ्या

जवळपास सर्व राज्यांमध्ये:

ट्रॅफिक पोलिसांच्या वेबसाइटवर
वाहतूक विभागाच्या पोर्टलवर

टोकन किंवा स्लॉट बुक करणे अनिवार्य आहे.

कोणते दस्तऐवज आवश्यक?

लोक अदालतमध्ये जाताना खालील कागदपत्रे बरोबर असणे आवश्यक:

चालानची कॉपी
वाहनाचे RC
ड्रायव्हिंग लायसन्स
आधार कार्ड / मतदान ओळखपत्र
ऑनलाइन घेतलेले टोकन / अपॉइंटमेंट स्लिप

सेटलमेंटची प्रक्रिया कशी होते?

आपल्या राज्याच्या पोर्टलवरून चालान स्टेटस तपासा
उपलब्ध असल्यास टोकन बुक करा
दिलेल्या कोर्ट, बेंच व स्लॉटनुसार लोक अदालत ठिकाणी हजर व्हा
समन्वयक (Conciliator Bench) समोर सुनावणी
प्रकरण निकाली निघताच अंतिम आदेश दिला जातो
दंडाची रक्कम तत्काळ भरावी लागते (कमी किंवा माफ झालेली)