Cheapest BMW Bike G 310 R : जर तुम्हाला बाईकची आवड असेल, तर कधीतरी बीएमडब्ल्यू बाईक घेण्याचा विचार तुमच्या मनात नक्कीच आला असेल. परंतु, बीएमडब्ल्यू बाईकच्या जास्त किंमतीमुळे अनेक लोक प्लॅन रद्द करतात. मात्र, बीएमडब्ल्यूची प्रत्येक मोटारसायकल खूप महाग आहे, असे नाही.
बाईक घेण्यासाठी तुमचे बजेट जवळपास 3 लाख रुपये असले तरी तुम्ही बीएमडब्ल्यू बाईक घेऊ शकता. पण, ही कोणती बाईक असेल? भारतातील बीएमडब्ल्यूची सर्वात स्वस्त बाईक G 310 R आहे. बीएमडब्ल्यू G 310 R ची किंमत 2.90 लाख रुपये (एक्स-शोरूम, दिल्ली) आहे.
बाजारात, ती KTM 390 Duke, Royal Enfield Interceptor 650 आणि Honda CB300R सारख्या बाइक्सशी स्पर्धा करते. ही फक्त एकाच प्रकारात येते, ज्यामध्ये 313cc, लिक्विड कूल्ड, सिंगल सिलेंडर इंजिन आहे. हे इंजिन 6-स्पीड मॅन्युअल गिअरबॉक्ससह 34PS आणि 28NM जनरेट करते.
हेही वाचा – फक्त 5 किलो वजनाची जगातील सर्वात महागडी सायकल! किंमत ऐकाल तर…
ही बाईक फक्त 8.01 सेकंदात 0 ते 100 किलोमीटर प्रति तास वेग गाठू शकते. यात पुढील बाजूस 41mm अपसाइड डाउन (USD) टेलिस्कोपिक फोर्क्स आहेत तर मागील बाजूस प्रीलोड ॲडजस्टेबल मोनोशॉक आहे. बाईकमध्ये ड्युअल चॅनल एबीएस आहे. त्याची इंधन टाकीची क्षमता 11 लीटर आहे आणि कर्ब वजन 158.5Kg आहे.
पुढील आणि मागील बाजूस अनुक्रमे 300mm आणि 240mm सिंगल डिस्क ब्रेक मिळतात. येथे तुम्हाला 17-इंच अलॉय व्हील आणि मिशेलिन पायलट स्ट्रीट टायर मिळतात. फीचर्सबद्दल बोलायचे झाल्यास, बाईकला एलईडी डीआरएल आणि टर्न इंडिकेटरसह सर्व-एलईडी लाइटिंग मिळते.
याशिवाय बाईकमध्ये राइड-बाय वायर थ्रॉटल, स्लिपर क्लच, ॲडजस्टेबल ब्रेक्स, डिजिटल इन्स्ट्रुमेंट कन्सोल, डिजिटल स्पीडोमीटर, डिजिटल ट्रिपमीटर, बीएमडब्ल्यू Motorrad ABS, पास स्विच आणि इंजिन किल स्विच यांसारख्या फीचर्ससह देखील येते.