Fastag KYC Deadline Extended | भारतीय राष्ट्रीय महामार्ग प्राधिकरणाने (NHAI) लोकांना मोठा दिलासा दिला आहे. पेटीएम वापरकर्त्यांच्या समस्या समजून घेऊन NHAI ने ‘एक वाहन, एक फास्टॅग’ ची मुदत मार्च अखेरपर्यंत वाढवली आहे. यापूर्वी त्याची शेवटची तारीख आज म्हणजेच 29 फेब्रुवारी होती. जर तुम्ही फास्टॅग केवायसी तपशील आज अपडेट केले नसतील, तर उद्यापासून तुमचा फास्टॅग काळ्या यादीत टाकला जाऊ शकतो. एवढेच नाही तर बँका ग्राहकांचे फास्टॅग निष्क्रिय करू शकतात. फास्टॅगशी संबंधित फसवणूक थांबवण्यासाठी हे पाऊल उचलण्यात आले आहे, हे विशेष.
नॅशनल हायवे अथॉरिटी ऑफ इंडिया (NHAI) ला अशी प्रकरणे समोर आली होती जिथे एकाच वाहनांवर अनेक फास्टॅग जारी केले जात होते. याशिवाय तपशीलांची पडताळणी न करता फास्टॅग दिले जात आहेत. केवायसी प्रक्रियेअंतर्गत बँका ग्राहकांकडून सरकारी आयडी आणि इतर महत्त्वाची कागदपत्रे यांसारखे तपशील विचारतात. त्याचबरोबर ही कागदपत्रे देऊन ग्राहकांना त्यांच्या पत्त्याची पडताळणी करावी लागेल. ओळखपत्र म्हणून – पासपोर्ट, ड्रायव्हिंग लायसन्स, मतदार ओळखपत्र, पॅन कार्ड, आधार कार्ड किंवा मनरेगा जॉब कार्ड सोबत, तुम्हाला फास्टॅगशी जोडलेल्या वाहनाचे वाहन नोंदणी प्रमाणपत्र द्यावे लागेल.
बँकेकडून तुमचे केवायसी अपडेट करण्यासाठी, प्रथम NPCI च्या अधिकृत वेबसाइट https://www.npci.org.in/what-we-do/netc-fastag/product-overview वर जा. यानंतर, तुमचा फास्टॅग ज्या बँकेशी लिंक आहे ती बँक निवडा. यानंतर तुम्ही बँकेच्या फास्टॅग पोर्टलवर लॉग इन करा. यानंतर, दिलेल्या सूचनांनुसार तुमचा तपशील भरा. शेवटी कागदपत्र सबमिट करा.
हेही वाचा – HERO ने लाँच केली स्वस्त इलेक्ट्रिक स्कूटर..! जाणून घ्या किंमत, रेज आणि फीचर्स
इंडियन हायवे मॅनेजमेंट कंपनी लिमिटेडच्या वेबसाइटवरून तुमचा केवायसी अपडेट करण्यासाठी तुम्हाला प्रथम ihmcl.co.in या ग्राहक पोर्टलवर जावे लागेल. यानंतर, तुमचा नोंदणीकृत क्रमांक आणि पासवर्ड किंवा ओटीपी टाकून लॉगिन करा. ‘माय प्रोफाइल’ विभागात जा आणि ‘केवायसी’ निवडा. तुमच्या समोर दिसणाऱ्या सूचनांनुसार, तपशील प्रविष्ट करा आणि कागदपत्रे सबमिट करा.
तुम्हाला केवायसी ऑफलाइन अपडेट करायचे असल्यास तुम्हाला तुमच्या बँकेच्या शाखेत जावे लागेल. तेथे आवश्यक कागदपत्रे देऊन फास्टॅग खाते अपडेट करावे लागेल. हे लक्षात घेण्यासारखे आहे की एका वरिष्ठ अधिकाऱ्याने सांगितले की पेटीएम फास्टॅग वापरकर्त्यांना भेडसावणाऱ्या समस्या लक्षात घेता, त्याची अंतिम मुदत मार्च अखेरपर्यंत वाढवण्याचा प्रस्ताव आहे.