Maruti Suzuki Fronx : देशातील सर्वात मोठी कार उत्पादक कंपनी मारुती सुझुकी इंडिया लिमिटेडने आपली ‘मेड-इन-इंडिया’ SUV फ्रॉन्क्स जपानला निर्यात करण्यास सुरुवात केली आहे. फ्रॉन्क्सही मारुती सुझुकीची जपानमध्ये लाँच होणारी पहिली SUV असेल. माहिती देताना कंपनीने सांगितले की, फ्रॉन्क्सची निर्मिती मारुती सुझुकीच्या गुजरातमधील अत्याधुनिक प्लांटमध्ये केली जाते. सुरुवातीला, जपानसाठी 1,600 हून अधिक फ्रॉन्क्स SUV ची पहिली खेप गुजरातमधील पिपावाव बंदरातून निघाली आहे.
फ्रॉन्क्स ही मारुती सुझुकीचे दुसरे मॉडेल आहे जे बलेनो (2016) नंतर जपानला निर्यात केले गेले आहे. ही SUV मारुती सुझुकीची मूळ कंपनी सुझुकी मोटर कॉर्पोरेशनने 2024 च्या शरद ऋतूच्या हंगामात जपानमध्ये लाँच करण्याची योजना आखली आहे. ही ऐतिहासिक कामगिरी भारतीय उत्पादनाची वाढती ताकद आणि जागतिक पोहोच यांचे प्रतीक आहे.
याप्रसंगी बोलताना, मारुती सुझुकी इंडिया लिमिटेडचे व्यवस्थापकीय संचालक आणि सीईओ हिसाशी ताकेउची म्हणाले, “मला सांगताना अत्यंत अभिमान वाटतो की आमचा ‘मेड-इन-इंडिया’ फ्रॉन्क्स लवकरच जपानच्या रस्त्यावर दिसणार आहे फ्रॉन्क्सला भारतीय बाजारपेठेत चांगला प्रतिसाद मिळत आहे, जी जगातील सर्वात दर्जेदार आणि प्रगत ऑटोमोबाईल बाजारपेठांपैकी एक आहे आणि मला खात्री आहे की जपानी ग्राहकांकडून याला चांगला प्रतिसाद मिळेल.”
समय बदल रहा है !
— Piyush Goyal (@PiyushGoyal) August 13, 2024
A truly proud moment as a consignment of over 1600 'Made In India' SUVs from @Maruti_Corp is exported for the first time to Japan.
Modi Government has implemented several policies to boost Indian manufacturing industry over the last decade.
With an emphasis… pic.twitter.com/mX7FNn8X8N
हेही वाचा – Mahindra Thar Roxx Features : महिंद्रा थार ‘रॉक्स’ मध्ये नवं काय, जे जुन्यामध्ये नाही?
“समय बदल रहा है”
केंद्रीय वाणिज्य आणि उद्योग मंत्री पियुष गोयल यांनीही मारुती सुझुकीच्या या कामगिरीचे कौतुक केले आहे. पियुष गोयल यांनी सोशल मीडियावरील आपल्या पोस्टमध्ये म्हटले आहे की, “समय बदल रहा है”. मारुती सुझुकीच्या 1600 हून अधिक ‘मेड इन इंडिया’ एसयूव्हींची खेप पहिल्यांदाच जपानमध्ये निर्यात होत असल्याने हा खरोखर अभिमानाचा क्षण आहे. मोदी सरकार गेल्या दशकात, भारतीय उत्पादन उद्योगाला चालना देण्यासाठी अनेक धोरणे अंमलात आणली गेली आहेत ज्यात स्थानिक स्तरावर जागतिक दर्जाची उत्पादने तयार केली गेली आहेत, ज्यामुळे ‘ब्रँड इंडिया’ जागतिक स्तरावर ओळखले जाणारे नाव बनण्यास मदत झाली आहे.”
मारुती फ्रॉन्क्स
मारुती फ्रॉन्क्स कंपनीने गेल्या वर्षी ऑटो एक्स्पो दरम्यान भारतीय बाजारपेठेत सादर केली होती. ही SUV एकूण 6 व्हेरिएंटमध्ये येते ज्यांची किंमत 7.51 लाख ते 13.04 लाख रुपये (एक्स-शोरूम) आहे. फ्रॉन्क्स दोन पेट्रोल इंजिन व्हेरिएंटसह येते. ज्यामध्ये 1.0 टर्बो-पेट्रोल आणि 1.2 पेट्रोल नॅच्युरली एस्पिरेटेड इंजिन समाविष्ट आहेत.