Skoda Kodiaq SUV | स्कोडा ऑटो इंडियाने त्यांच्या प्रमुख स्कोडा कोडियाक SUV च्या व्हेरिएंट लाइन-अपमध्ये बदल केले आहेत. ही गाडी पूर्वी तीन ट्रिम्समध्ये उपलब्ध होती – स्टाईल, स्पोर्टलाइन आणि L&K. आता ती फक्त टॉप स्पेक L&K व्हर्जनसह ऑफर केली जाईल. यासोबतच कंपनीने SUV च्या किमतीतही बदल केला आहे.
याआधी, टॉप-स्पेक L&K व्हेरिएंटची किंमत 41.99 लाख रुपये होती आणि आता त्याची किंमत 2 लाख रुपयांनी कमी करण्यात आली आहे. आता त्याची प्रभावीपणे किंमत 39.99 लाख रुपये आहे (दोन्ही किंमती एक्स-शोरूम आहेत).
इंजिन आणि फीचर्स
व्हेरिएंटमधील बदल आणि किंमतीतील कपात व्यतिरिक्त एसयूव्हीमध्ये कोणतेही बदल करण्यात आलेले नाहीत. कोडियाकमध्ये 2.0-लिटर, चार-सिलेंडर TSI टर्बो-पेट्रोल इंजिन आहे जे 190hp पॉवर आणि 320Nm टॉर्क निर्माण करते. इंजिन 7-स्पीड DSG गिअरबॉक्ससह जोडलेले आहे जे सर्व चार चाकांना पॉवर देते.
फीचर्सच्या बाबतीत बोलायचे झाल्यास, कोडियाकमध्ये 8.0-इंच टचस्क्रीन इन्फोटेनमेंट सिस्टम, 10.25-इंच डिजिटल इन्स्ट्रुमेंट क्लस्टर, ॲम्बियंट लाइटिंग, तीन-झोन ऑटोमॅटिक क्लायमेट कंट्रोल, पॅनोरॅमिक सनरूफ, हँड्स-फ्री पार्किंग, फ्रंट आणि रियर पार्किंग सेन्सर्स आहेत. याशिवाय, यात कूल्ड फ्रंट सीट्स, वायरलेस अँड्रॉइड ऑटो आणि ऍपल कारप्ले कनेक्टिव्हिटी, एक वायरलेस चार्जिंग पॅड आणि 12-स्पीकर कँटन साउंड सिस्टम आणि नऊ एअरबॅग्ज यांसारखी फीचर्स देखील आहेत. याशिवाय, यात डायनॅमिक चेसिस कंट्रोल देखील मिळतो जे ड्राइव्ह मोडवर अवलंबून डॅम्पर्सची मजबूती समायोजित करते.
अलीकडेच, कंपनीने घोषणा केली की ती लवकरच सब-4 मीटर एसयूव्ही लाँच करेल. आगामी मॉडेल कुशाक आणि स्लाव्हिया सारख्या MQB-A0-IN प्लॅटफॉर्मवर आधारित असेल. ही मारुती सुझुकी ब्रेझा, ह्युंदाई व्हेन्यू, किआ सोनेट, महिंद्रा XUV300 आणि टाटा नेक्सन यांसारख्या मॉडेल्सशी स्पर्धा करेल.