भारतातील आघाडीची इलेक्ट्रिक स्कूटर कंपनी Ather Energy ने इलेक्ट्रिक टू व्हीलर सेगमेंटमध्ये आपले वर्चस्व प्रस्थापित करण्यासाठी मोठी खेळी केली आहे. कंपनी लवकरच आपली सर्वात वेगवान इलेक्ट्रिक स्कूटर आणणार आहे. कंपनीचे सह-संस्थापक तरुण मेहता यांनी काही दिवसांपूर्वी याबाबत माहिती दिली होती. या इलेक्ट्रिक स्कूटरचे नाव Ather 450 Apex आहे आणि ही आतापर्यंतची सर्वात वेगवान इलेक्ट्रिक स्कूटर असू शकते. या स्कूटरची बुकिंग सुरू झाली आहे आणि डिलिव्हरीही लवकरच सुरू होईल.
कंपनीच्या वेबसाइटवर उपलब्ध असलेल्या माहितीनुसार, या इलेक्ट्रिक स्कूटरची बुकिंग सुरू झाली असून पुढील वर्षी मार्चपासून त्याची डिलिव्हरी सुरू होईल. ही स्कूटर 2500 रुपयांच्या बुकिंग रकमेसह बुक केली जाऊ शकते. मात्र, स्कूटरच्या फीचर्सबाबत कंपनीकडून कोणतीही अधिकृत माहिती देण्यात आलेली नाही.
हेही वाचा – भारताचं ऑटो मार्केट पुन्हा हादरणार, नव्या जनरेशनची SWIFT लाँच!
एथर एनर्जी कंपनीची ही सर्वात वेगवान स्कूटर मॉडेल असेल असा दावा केला जात आहे. वेग प्राप्त करण्यासाठी कंपनी या नवीन मॉडेलमध्ये बरेच बदल करू शकते. विशेषत: हार्डवेअरमध्ये बदल केले जाऊ शकतात, याशिवाय स्कूटरमध्ये स्थापित केलेले अनेक सॉफ्टवेअर देखील अपग्रेड केले जाऊ शकतात.