Euler Turbo EV 1000 : भारतात वाहतूक व लॉजिस्टिक क्षेत्रातील एक क्रांती घडवत, Euler Motors ने नुकतेच जगातील पहिलं 1 टन क्षमतेचं इलेक्ट्रिक मिनी ट्रक Turbo EV 1000 बाजारात उतरवलं आहे. या ट्रकची सुरुवातीची किंमत केवळ ₹5.99 लाख (एक्स-शोरूम) असून, हा ट्रक तीन वेगवेगळ्या व्हेरिएंट्समध्ये उपलब्ध आहे – City, Fast Charge आणि Max.
मुख्य वैशिष्ट्ये
- 1 टन लोड क्षमता
- 140-170 किमी पर्यंत ड्रायव्हिंग रेंज
- फक्त 5 मिनिटांत 50 किमीची फास्ट चार्जिंग
- 140Nm टॉर्क, R13 व्हील प्लेटफॉर्म, 230mm डिस्क ब्रेक
- CCS 2 फास्ट चार्जिंग तंत्रज्ञान
- 4 ते 5.5 तासांमध्ये फुल चार्जिंग (3.3kW AC ऑनबोर्ड चार्जर)
किंमती व व्हेरिएंट्स
| व्हेरिएंट | किंमत (₹) |
| City | 5,99,999 |
| Max | 7,19,999 |
| Fast Charge | 8,19,999 |
कंपनीचा दावा आहे की या ट्रकचा वापर करून ग्राहक दरवर्षी ₹1.15 लाखांपर्यंत डिझेल खर्चात बचत करू शकतात. केवळ ₹49,999 च्या डाउन पेमेंटवर व ₹10,000 मासिक EMI मध्ये तुम्ही हा ट्रक खरेदी करू शकता.
हेही वाचा – अल्ट्रावॉयलेट X47 क्रॉसओवर भारतात लाँच, पहिली इलेक्ट्रिक अॅडव्हेंचर टूरर, जाणून घ्या संपूर्ण माहिती
छोट्या व्यावसायिकांसाठी क्रांतिकारक पर्याय
Euler Motors ने स्पष्टपणे सांगितलं आहे की Turbo EV 1000 हा ट्रक खास करून छोट्या व्यवसायिक, फ्लीट ऑपरेटर व डिझेलवरील अवलंबन कमी करू इच्छिणाऱ्यांसाठी डिझाइन करण्यात आला आहे. कमी मार्जिनमध्ये काम करणाऱ्या लोकांसाठी हा ट्रक परफॉर्मन्स आणि अफॉर्डेबिलिटीचं परिपूर्ण संयोजन आहे.
कंपनी CEO चं विधान
Euler Motors चे संस्थापक आणि CEO सौरव कुमार म्हणाले, “Turbo EV 1000 हे आमचं अभिमानास्पद उत्पादन आहे. भारतातील लॉजिस्टिक क्षेत्रातील गरजा लक्षात घेऊन आम्ही हा ट्रक तयार केला आहे. परफॉर्मन्स आणि बजेट यांचा समतोल साधणारा हा ट्रक कमर्शियल EV मार्केटमध्ये नव्या पर्वाची सुरुवात करेल.”
भारतात ईवी क्रांतीचा नवा अध्याय सुरू!
भारतामध्ये इलेक्ट्रिक 4-व्हीलर कमर्शियल वाहनांची टक्केवारी सध्या केवळ 2% आहे. पण Turbo EV 1000 सारख्या पर्यायांमुळे ही संख्या भविष्यात झपाट्याने वाढेल. स्कूटर आणि कारच्या पुढे आता ट्रकही इलेक्ट्रिक होऊ लागल्यामुळे भारतीय रस्त्यांवर मोठा बदल घडणार आहे.