Laptop Maker Acer Electric Scooter : लॅपटॉप उत्पादक तैवानची टेक कंपनी Acer ने MUVI 125 4G ई-स्कूटरचे भारतात अनावरण केले आहे. कंपनीचा दावा आहे की ही स्कूटर एकदा पूर्ण चार्ज केल्यानंतर 80 किमीची रेंज देईल. Acer ने आज इलेक्ट्रिक स्कूटरच्या अनावरण कार्यक्रमात सांगितले की MUVI 125 4G ची निर्मिती भारतीय EV स्टार्टअप eBikeGo द्वारे केली जाईल, जी Acer EV ची परवानाधारक कंपनी आहे.
Think eBikeGo Private Limited चे CEO डॉ. इरफान खान म्हणाले की, कंपनी भविष्यात ई-सायकल, ई-बाईक सारखी अनेक 2 आणि 3-चाकी इलेक्ट्रिक वाहने लाँच करण्याचा विचार करत आहे.
किंमत आणि प्रतिस्पर्धी (Acer MUVI 125 4G Electric Scooter)
ही स्कूटर लवकरच भारतीय बाजारात 99,999 रुपयांच्या एक्स-शोरूम किमतीत लाँच केली जाईल. देशात MUVI 125 4G ची विक्री वाढवण्यासाठी आणि सरकारकडून सबसिडी मिळवण्यासाठी कंपनी FAME-2 नियमांचे पालन करेल. Acer MUVI 125 4G साठी प्री-बुकिंग लवकरच लाइव्ह होईल. सर्व ऑर्डर अधिकृत डीलर्समार्फत घेतल्या जातील.
इलेक्ट्रिक स्कूटरने 1 लाख रुपयांपेक्षा कमी किमतीच्या बजेट सेगमेंटमध्ये प्रवेश केला आहे. ही स्कूटर Ola S1X, Pure EV, Ather Energy 450S, Hero Electric, Okinawa, Okaya आणि Joy च्या इलेक्ट्रिक स्कूटरशी स्पर्धा करेल.
डिझाईन आणि फीचर्स (Acer MUVI 125 4G)
इलेक्ट्रिक स्कूटरच्या पुढील बाजूस गोल आकाराचा एलईडी हेडलॅम्प, हलके चेसिस, 16-इंच 7-स्पोक अलॉय व्हील, सानुकूल करण्यायोग्य डिझाईन फीचर्स आणि कनेक्टेड तंत्रज्ञान समाविष्ट आहे. ब्रेकिंगसाठी, इलेक्ट्रिक स्कूटरच्या दोन्ही अलॉय व्हीलवर डिस्क ब्रेक देण्यात आले आहेत.
हेही वाचा – अभी मजा आएगा ना भिडू! टाटाची हॅरियर आणि सफारी 5 स्टार रेटिंगसह लाँच!
आरामदायी राइडिंगसाठी, समोरच्या बाजूला टेलिस्कोपिक फॉर्क्स आणि मागच्या बाजूला अॅडजस्टेबल मोनोशॉक शोषक आहेत. स्कूटर 3 रंगात उपलब्ध आहे. यामध्ये पोलर व्हाइट, कार्बन ब्लॅक आणि ग्लेशियर सिल्व्हर रंगांचा समावेश आहे.
परफॉरमन्स (Acer Electric Scooter In Marathi)
परफॉरमन्ससाठी, MUVI 125 4G इलेक्ट्रिक स्कूटरमध्ये इलेक्ट्रिक मोटर आहे, जी मागील चाकाच्या बेल्टला जोडलेली आहे. कंपनीचा दावा आहे की, ई-स्कूटर 75 किमी प्रतितास वेगाने पोहोचू शकते. इलेक्ट्रिक मोटरला उर्जा देण्यासाठी, एक बदलण्यायोग्य बॅटरी दिली गेली आहे, जी एकदा पूर्ण चार्ज केल्यानंतर 80 किलोमीटरची रेंज देईल.