टाटा मोटर्सच्या इलेक्ट्रिक वाहन ब्रांचने Nexon.EV आणि Tiago.EV या दोन मॉडेल्सच्या किमती 1.20 लाख रुपयांनी कमी केल्यानंतर बॅटरीच्या किमतीत कपात केली आहे. कंपनीनुसार, नेक्सॉन. ईव्हीची किंमत 1.2 लाख रुपयांनी कमी करण्यात आली असून आता त्याची किंमत 14.49 लाख रुपयांपासून सुरू झाली आहे. Tiago EV च्या किमती 70,000 रुपयांपर्यंत कमी करण्यात आल्या आहेत. आता त्याच्या बेस मॉडेलची किंमत आता 7.99 लाख रुपयांपासून सुरू होते.
टाटा पॅसेंजर इलेक्ट्रिक मोबिलिटी (TPEM) चे चीफ कमर्शियल ऑफिसर विवेक श्रीवत्स म्हणाले, “बॅटरीचा खर्च हा ईव्हीच्या एकूण किमतीचा एक मोठा भाग आहे. बॅटरी सेलच्या किमती अलीकडेच कमी झाल्या आहेत आणि आणखी कमी होण्याची शक्यता आहे. त्यामुळे, आम्ही याचा फायदा थेट ग्राहकांपर्यंत पोहोचवण्याचा निर्णय घेतला आहे.”
हेही वाचा – भारतीय रस्त्यावर दिसली टाटाची नवीन जबरदस्त गाडी, लवकरच होणार लाँच!
Tata Tiago EV ऑक्टोबर 2022 मध्ये 8.49 लाख (एक्स-शोरूम) रुपयांच्या सुरुवातीच्या किमतीत लाँच करण्यात आला होता. Tata Tiago EV मध्ये दोन बॅटरी पॅक पर्याय आहेत. पहिला पर्याय 315 किमीच्या MIDC रेंजसह 24 kWh क्षमतेचा बॅटरी पॅक करतो. तर, दुसरा पर्याय 19.2 kWh क्षमतेच्या बॅटरी पॅकसह येतो जो 250 किलोमीटरची रेंज देतो.