Entry Level Cars Price Drop : छोट्या कार खरेदी करण्याचा विचार करताय? तर तुमच्यासाठी एक चांगली बातमी आहे! केंद्र सरकारने 22 सप्टेंबरपासून नवीन GST दर लागू केल्यामुळे एंट्री लेव्हलच्या कारच्या किंमतीत मोठी घट झाली आहे. याअंतर्गत Alto, S-Presso, Tiago, Kwid आणि Wagon R सारख्या लोकप्रिय हॅचबॅक कार आता पूर्वीपेक्षा हजारो रुपयांनी स्वस्त झाल्या आहेत.
ज्या कार्सची किंमत पूर्वी किमान 4.50 लाख रुपये होती, त्या आता 4 लाख रुपयांच्या खाली उपलब्ध आहेत. यामुळे मध्यमवर्गीय ग्राहकांना कार खरेदी करणे अधिक सोयीचे झाले आहे. चला तर मग पाहूया, कोणत्या गाड्यांचे दर किती कमी झाले आहेत आणि कोणत्या फीचर्ससह त्या सध्या बाजारात उपलब्ध आहेत.
Maruti S-Presso (SUV लूकमध्ये छोटी कार!)
🔹 नवीन किंमत: ₹3.50 लाख (बेस व्हेरिएंट) ते ₹5.24 लाख (टॉप व्हेरिएंट)
🔹 दरात घट: ₹1.29 लाख
🔹 इंजिन: 1.0 लीटर, 3-सिलेंडर पेट्रोल
🔹 पॉवर: 67bhp, टॉर्क: 89Nm
🔹 गिअर बॉक्स: 5-स्पीड मॅन्युअल आणि AMT
🔹 ग्राउंड क्लीयरन्स: 180mm
S-Presso ही मिनी SUV लूक असलेली हॅचबॅक असून, स्टायलिश लूक आणि उंच सीटिंग पोझिशनसाठी लोकप्रिय आहे.
Alto K10 (सर्वाधिक एअरबॅग्स असलेली बजेट कार)
🔹 नवीन किंमत: ₹3.70 लाख ते ₹5.45 लाख
🔹 दरात घट: ₹1.07 लाख
🔹 सेफ्टी: आता 6 एअरबॅग्स स्टँडर्ड
🔹 इंजिन: 1.0 लीटर, 67bhp, 89Nm
🔹 ग्राउंड क्लीयरन्स: 167mm
सध्याच्या स्थितीत Alto K10 ही भारतातील सर्वात सुरक्षित बजेट कार ठरत आहे, कारण यात आता 6 एअरबॅग्स मिळतात, जे पूर्वी S-Presso पेक्षा अधिक आहेत.
Renault Kwid (SUV इन्स्पायर्ड स्टायलिश हॅचबॅक)
🔹 नवीन किंमत: ₹4.30 लाख ते ₹5.90 लाख
🔹 दरात घट: ₹40,000 ते ₹55,000
🔹 इंजिन: 1.0 लीटर, 67.06bhp, 91Nm
🔹 ग्राउंड क्लीयरन्स: 184mm
Renault Kwid ही SUV-इंस्पायर्ड हॅचबॅक आहे. यामध्ये आकर्षक डिजिटल डिस्प्ले आणि जबरदस्त ग्राउंड क्लीयरन्स देण्यात आला आहे.
हेही वाचा – अभिषेक शर्माला मिळाली 33 लाखांची प्रीमियम गाडी! कोणती SUV आहे ही? इतकं भारी काय आहे तिच्यात?
TATA Tiago (सर्वात ताकदवान आणि सुरक्षित कार)
🔹 नवीन किंमत: ₹4.57 लाख ते ₹6.77 लाख
🔹 दरात घट: ₹75,000
🔹 इंजिन: 1.2 लीटर, 74.41-84.82bhp, 96.5-113Nm
🔹 ग्राउंड क्लीयरन्स: 168mm
Tiago ही TATA Motors ची सर्वात सुरक्षित एंट्री लेव्हल कार मानली जाते. यात अधिक पॉवर आणि मजबूत बिल्ड क्वालिटी मिळते.
Maruti Wagon R (फॅमिली कारचा बादशहा!)
🔹 नवीन किंमत: ₹4.99 लाख ते ₹6.84 लाख
🔹 दरात घट: ₹79,600
🔹 इंजिन: 1.0 लीटर, 88.50bhp, 113Nm
🔹 ग्राउंड क्लीयरन्स: 165mm
Wagon R ही अनेक घरांमध्ये पहिली कार म्हणून निवडली जाते. आता ही अधिक स्वस्त झाल्याने तिची मागणी पुन्हा वाढण्याची शक्यता आहे.