इलेक्ट्रिक गाड्यांबद्दल सर्वात मोठा प्रश्न असा विचारला जातो की “एकदा चार्ज केल्यावर खरंच किती किलोमीटर चालते?” पण आता Renault ने याचे प्रॅक्टिकल उत्तर दिलं आहे — तेही कागदोपत्री नाही, तर प्रत्यक्ष रस्त्यावर!
Renault च्या Filante Record 2025 डेमो इलेक्ट्रिक कारने एका सिंगल चार्जवर तब्बल 1,008 किमी प्रवास पूर्ण केला आहे.
विशेष म्हणजे हा प्रवास कोणत्याही प्रयोगशाळेत नव्हे, तर सलग हायवे स्पीडवर करण्यात आला.
हा अनोखा रेकॉर्ड कुठे आणि कसा घडला?
18 डिसेंबर रोजी मोरोक्को येथील UTAC टेस्ट सर्किटवर हा रेकॉर्ड नोंदवला गेला.
या दरम्यान Filante Record 2025 कारला सरासरी 102 किमी/तास वेगाने चालवण्यात आले आणि फक्त 9 तास 52 मिनिटांत 1,008 किमीचा प्रवास पूर्ण झाला!
“तीच बॅटरी… पण दुप्पट विचार” — काय आहे Renault चे रहस्य?
या कारमध्ये 87 kWh बॅटरी वापरली आहे — हीच बॅटरी Renault Scenic E-Tech Electric मध्येही असते.
पण कमाल काय, बॅटरी मोठी न करता एनर्जी एफिशिएन्सी कमाल पातळीवर नेली गेली.
कारने केवळ 7.8 kWh प्रति 100 किमी ऊर्जा वापरली, जी आज उपलब्ध असलेल्या बहुतेक इलेक्ट्रिक कारपेक्षा खूपच कमी आहे.
आणि एवढंच नाही 1,008 किमी पूर्ण झाल्यानंतरही बॅटरीमध्ये अजून 11% चार्ज शिल्लक होता!
म्हणजे कार सुमारे 120 किमी अजून धावू शकली असती.
एयरोडायनामिक्स = गेम चेंजर!
Renault ने मोठी बॅटरी लावण्याऐवजी डिझाइन, वजन आणि एयरोडायनामिक्सवर फोकस केला.
✔ कारचे वजन फक्त 1,000 किलो
✔ कार्बन फायबर + हलके अॅल्युमिनियम पार्ट्स
✔ अनेक भाग 3D प्रिंटिंगने तयार
विंड टनल टेस्टिंगनंतर ड्रॅग को-एफिशिएंट 0.40 वरून 0.30 वर आणला गेला
यासाठी
🔹 चाकांवर कव्हर
🔹 एअर इनटेक कमी
🔹 हवेचा विरोध कमी करणारे बदल केले
फक्त कार नाही… भविष्यातील टेक्नॉलॉजीचा प्लॅटफॉर्म!
Filante Record 2025 ही फक्त रेकॉर्ड तोडणारी कार नाही —
ती भविष्यातील EV तंत्रज्ञानाची झलक आहे.
यात आहेत —
Steer-by-wire
Brake-by-wire सिस्टम
Michelin ने लो-रोलिंग-रेझिस्टन्स टायर्स खास तयार केले.
तर लिगियर कंपनीने पावरट्रेन, चेसिस आणि कार्बन स्ट्रक्चर विकसित केले.
Renault चा संदेश, “मोठी बॅटरीच सर्वकाही नाही!”
Renault च्या मते —
“EV ची खरी रेंज वाढवण्यासाठी फक्त बॅटरी मोठी असण्याची गरज नाही.
जर कार हलकी, एयरोडायनामिक आणि एनर्जी लॉस कमी असेल — तर प्रचंड रेंज सहज मिळू शकते.”
Filante Record 2025 चे प्रॉडक्शन करण्याची सध्या योजना नसली, तरी
या इंजिनियरिंगचा फायदा भविष्यातील Renault इलेक्ट्रिक गाड्यांमध्ये नक्की दिसेल.