Affordable Bikes For Village : भारताच्या ग्रामीण भागात बाईक ही फक्त प्रवासाची सोय नाही, तर दैनंदिन आयुष्याचा अविभाज्य भाग आहे. कच्च्या रस्त्यांवर, शेतामधील वाटांवर आणि डोंगरउतारावर चालवण्यासाठी अशी मोटरसायकल हवी असते जी टिकाऊ, मायलेजदार आणि कमी खर्चिक असेल. जर तुम्हीही अशीच बजेट-फ्रेंडली आणि मजबूत बाईक शोधत असाल, तर ही यादी खास तुमच्यासाठी आहे.
चला जाणून घेऊया त्या 5 सर्वोत्तम किफायतशीर बाईक्स ज्या गावात वापरण्यासाठी परफेक्ट मानल्या जातात.
Hero Splendor Plus – विश्वासाचा ब्रँड
Hero Splendor Plus ही भारतातील सर्वाधिक विक्री होणारी बाईक आहे आणि जवळपास प्रत्येक गावात तिची झलक दिसते. ₹73,902 (एक्स-शोरूम) किमतीत मिळणारी ही बाईक 97.2cc इंजिनसह 73 kmpl पर्यंत मायलेज देते. यात i3S स्टॉप-स्टार्ट टेक्नॉलॉजी दिली असून, फ्युएल वाचवण्यात ती प्रभावी ठरते. LED हेडलॅम्प, ब्लूटूथ-इनेबल्ड डिजिटल कन्सोल आणि लांब सीटमुळे ही बाईक रोजच्या वापरासाठी अतिशय सोयीस्कर आहे. Hero चे सर्विस नेटवर्क आणि स्पेअर पार्ट्स सहज उपलब्ध असल्याने तिचा मेंटेनन्स खर्च खूप कमी पडतो.
Bajaj Platina 100 – आराम आणि मायलेज दोन्ही एकत्र
Bajaj Platina 100 ही मायलेजच्या बाबतीत “किंग” मानली जाते. ₹65,407 (एक्स-शोरूम) किमतीत मिळणारी ही बाईक 102cc DTS-i इंजिनसह 80 kmpl पर्यंत मायलेज देते. याचा सस्पेन्शन आणि लांब सीट गावातल्या उबदार, उखड्या रस्त्यांवरही आरामदायक अनुभव देतात. 10 लिटरच्या फ्युएल टँकसह ही बाईक एका फुल टँकमध्ये 800 किमी पर्यंत धावू शकते!
Honda Shine 100 – परफॉर्मन्स आणि रिफाइनमेंटचा मिलाफ
Honda Shine 100 ही ₹68,994 (एक्स-शोरूम) किमतीत उपलब्ध आहे. 98.98cc इंजिनसह ती 65 kmpl पर्यंत मायलेज देते.
7.5 PS पॉवर आणि IBS ब्रेकिंग सिस्टममुळे सुरक्षितता आणि कंट्रोल दोन्ही मिळतात. हलकं डिझाइन, कमी वायब्रेशन आणि Honda ची प्रसिद्ध टिकाऊ गुणवत्ता यामुळे ही बाईक गावासाठी उत्तम पर्याय ठरते.
हेही वाचा – Mika Singh चं ‘सोनेरी Hummer स्वप्न’ साकार! नवीन SUV पाहून चाहत्यांचे डोळे थक्क, राजेशाही थाटच!
TVS Sport – हलकी, स्टायलिश आणि दमदार
TVS Sport आपल्या स्पोर्टी लुकमुळे आणि 70 kmpl मायलेजमुळे लोकप्रिय ठरत आहे. ₹55,100 (एक्स-शोरूम) पासून सुरू होणारी ही बाईक 109.7cc इंजिनसह येते. हिचं हलकं डिझाइन, चांगलं ग्राउंड क्लीयरन्स आणि मजबूत बॉडी रोजच्या वापरासाठी परफेक्ट आहे.
TVS चा दावा आहे की ही बाईक फुल टँकमध्ये 700 किमीपेक्षा जास्त चालते!
TVS Radeon – स्टायलिश आणि स्मार्ट पर्याय
₹55,100 पासून सुरू होणारी TVS Radeon 109.7cc एअर-कूल्ड इंजिनसह येते. ही बाईक 69 kmpl पर्यंत मायलेज देते.
ड्युअल-टोन सीट, डिजिटल-एनालॉग मीटर आणि LED DRLs सारखे फीचर्स तिचं लुक आणखी आकर्षक बनवतात. स्टाईल, परफॉर्मन्स आणि एफिशियन्सी यांचा संतुलित संगम Radeon मध्ये दिसून येतो.